Татарстан аграрийлары «Фермер мәктәбе ” нә чакырыла
Татарстан Республикасында «Фермер мәктәбе» укыту проектында катнашу өчен конкурс сайлап алу башланды, ул яңа финанс яктан тотрыклы һәм рентабельле фермер хуҗалыклары булдыруга, инде гамәлдә булган бизнесның нәтиҗәлелеген күтәрүгә, АПКда бизнес алып баруның иң яхшы практикаларын үстерүгә һәм алга җибәрүгә ярдәм итүгә юнәлдерелгән.
Белем бирү программасын Россельхозбанк Татарстан Республикасы Авыл хуҗалыгы һәм азык-төлек министрлыгы белән берлектә оештыра. Укулар Казан дәүләт аграр университеты базасында узачак.
Бушлай белем бирү программасында Татарстан Республикасыннан крестьян (фермер) хуҗалыклары башлыклары һәм шәхси ярдәмче хуҗалык тотучылар катнаша ала.
«Фермер мәктәбе» ндә катнашу өчен 11 октябрьгә кадәр гариза һәм кирәкле документлар исемлеге, презентация һәм/яки видеороликны электрон адреска җибәрергә кирәк: sh.fermer_rt@mail.ru/ Катнашу шартлары белән тулырак Нигезләмәдә танышырга мөмкин.
«Фермер мәктәбе ” – яңа эш башлаучы фермерга бизнес алып бару нигезләрен нульдән башлап тулы көченә эшли башлаганчы үзләштерергә мөмкинлек бирә торган уникаль проект. Программа шулай итеп төзелгән, укучылар фермер эшенең барлык аспектларын җентекләп өйрәнә. Бу елның язында без «Фермер мәктәбе ” ндә лекцияләр курсы үткәрдек инде. Әлеге программа бик күп уңай фикерләр алды, шуңа күрә Татарстанда тагын бер агым укытуны эшләтеп җибәрү турында карар кабул ителде”, – дип сөйләде Россельхозбанкның Татарстан төбәк филиалы директоры Ләлә Кудерметова.
Укулар 20 октябрьдә башлана. Яшь фермерлар өчен «Кошчылык», «ТРерлекчелек», «Атчылык», «Үсемлекчелек» юнәлешләре буенча теоретик дәресләр һәм күчмә практик мастер-класслар эшләнгән.
«Россельхозбанк» АҖ – Россия агросәнәгать комплексына хезмәт күрсәтүнең милли кредит-финанс системасының нигезе. Банк 2000 елда төзелгән һәм бүген илнең агросәнәгать комплексының төп кредиторы булып тора, активлар һәм капитал күләме буенча илнең иң эре һәм тотрыклы банклары, шулай ук Россиянең иң эре банкларының ышанычлылык рейтингы лидерлары арасына керә.