Казан ДАУда «2015-2020 елларга Татарстан Республикасында талантлар белән стратегик идарә итү» дәүләт программасы фәнни-эксперт советының киңәйтелгән утырышы узды
23 декабрьдә Казан дәүләт аграр университетында «2015-2022 елларда Татарстан Республикасында талантлар белән стратегик идарә итү» дәүләт программасы фәнни-эксперт советының киңәйтелгән утырышы узды.
Утырыш алдыннан кунаклар Казан ДАУ музее экспонатлары белән таныштылар. Дәүләт программасының фәнни-эксперт советы рәистәше Фәйрүзә Зөфәр кызы Мостафина утырыш эшен ачып җибәрде. Инфраструктур үсеш һәм җитештерү эшчәнлеге буенча проректор Хәмидуллин Наил Нурулла улы җыелучыларны җылы сәламләде.
«Казан ДАУ – авыл территорияләрендәге яшьләрнең талантларын үстерү өчен яхшы мохит» темасына беренче доклад белән Казан ДАУда югары уку йортына кадәр белем бирү һәм укуны тәмамлаучыларны эшкә урнаштыру үзәге җитәкчесе Фәссахова Гүзәл Рәфкать кызы чыгыш ясады.
Талантлар университеты башкарма директоры Акмалов Айдар Фәрит улы Татарстан Республикасы талантлары белән стратегик идарә итү Программасының актуаль юнәлешләре турында сөйләде.
Сәләтлеләр университетының «Эксперт-аналитик озата бару» юнәлеше җитәкчесе Нигъмәтуллина Рәзинә Рамазан кызы Татарстан Республикасында талантлы яшьләргә дәүләт ярдәме чараларының үзенчәлекләре турында таныштырды.
Тузиков Андрей Римович, Казан милли тикшеренү технология университетының дәүләт һәм муниципаль идарә, социология кафедрасы мөдире, сәнәгать сәясәте һәм бизнес-идарә факультеты деканы «Татарстан Республикасында талантлы яшьләргә дәүләт ярдәме чараларын кертү һәм гамәлгә ашыру турында» дигән темага чыгыш ясады.
Менеджмент һәм эшкуарлык эшчәнлеге кафедрасы мөдире, Казан милли тикшеренү технология университетының инновацияләр белән идарә итү институты директоры Раушания Илшат кызы Зинурова Татарстан Республикасы районнарында мониторингның башлангыч нәтиҗәләренә презентация ясады.
Ахырда Татарстан Республикасы районнары башкарма хакимияте вәкилләре белән стратегик сессия узды. Актуаль сорауларга җавап бирергә тырыштылар. Алар арасында Татарстан Республикасы районнарында талантлы яшьләргә дәүләт ярдәме чараларын мониторинглауны гамәлгә ашыру буенча проблемалы урыннарны ачыклау һәм фикер алышу; Татарстан Республикасы районнарында талантларга ихтыяҗ үзенчәлекләре һәм талантлы яшьләрнең карьера перспективалары; талантлы балаларга һәм яшьләргә дәүләт ярдәме чараларын гамәлгә ашыруда районнарның мәгариф учреждениеләре, предприятиеләре, коммерция структураларының роле һ. б. Стратегик сессия нәтиҗәләре буенча Татарстан Республикасы районнарында талантлы яшьләргә дәүләт ярдәме чараларын гамәлгә мониторинг процедураларының нәтиҗәлелеген арттыру буенча тәкъдимнәр төзелде.