Студентларның сәламәтлеге өчен куркыныч йогышлы булмаган һәм йогышлы хәвеф-хәтәрләр

21 сентябрьдә Казан дәүләт аграр университетының Икътисад институты 1 курс студентлары өчен «Республика иҗтимагый сәламәтлек һәм медицина профилактикасы үзәге» ДАСУ белән берлектә лекторий уздырды. Чара «Демография» милли проектына кергән “Сәламәт туклану һәм начар гадәтләрдән баш тартуны кертеп, гражданнарны сәламәт яшәү рәвешенә мотивацияләү системасын формалаштыру” төбәк проекты кысаларында үткәрелде.

Татарстан Республикасы Сәламәтлек саклау министрлыгының атказанган табибы, Республика иҗтимагый сәламәтлек һәм медицина профилактикасы үзәге Дәүләт автоном сәламәтлек саклау учреждениесенең психотерапевты Гөлфия Гаянованың “Эчкечелек һәм тәмәке тартуны профилактикалау” дигән лекциясе алкоголь һәм тәмәке эшләнмәләренә бәйлелекне формалаштыру сәбәпләрен яктыртуга юнәлдерелгән иде. Лекция барышында студентларга алкоголь һәм тәмәке эшләнмәләреннән баш тарту мисаллары бирелде. Психоэмоциональ халәтне тиз арада бетерү өчен сулыш гимнастикасы күрсәтелде.

Республика иҗтимагый сәламәтлек һәм медицина профилактикасы үзәге Дәүләт автоном сәламәтлек саклау учреждениесенең халыкны гигиена тәрбияләү табибы Розалия Харисова тыңлаучыларга коронавирус инфекциясенең (COVID-19) таралу куркынычы турында мәгълүмат бирде. Саклау битлекләренең төрләрен күрсәтте, чиста битлекләрне саклау һәм пычранган битлекләрне утильләштерү кагыйдәләре, кулларны дезинфекцияләү эретмәләре белән дөрес эшкәртү күнекмәләре турында сөйләде. Чыгыш табибны прививка ясатмаган һәркемгә ашыгыч вакцинация үтәргә чакыру белән тәмамланды.

Чара ахырында Казан дәүләт аграр университеты  югары һөнәри белем бирү федераль дәүләт бюджет мәгариф учреждениесе хезмәткәрләренә студентлар арасында тарату өчен Республика иҗтимагый сәламәтлек һәм медицина профилактикасы үзәге Дәүләт автоном сәламәтлек саклау учреждениесе чыгарган профилактик юнәлештәге плакатлар һәм белешмәлекләр тапшырылды.