Казан дәүләт аграр университеты һәм С. А. Ниязов исемендәге Төркмән авыл хуҗалыгы университеты «Татарстан Республикасының авыл хуҗалыгы потенциалы һәм аны ныгыту өчен күрелә торган көчләре» темасына онлайн-конференция үткәрделәр
2021 елның 27 октябрендә Казан дәүләт аграр университетының Гыйльми советының утырышлар залында С.А. Ниязов исемендәге төркмән авыл хуҗалыгы университетының ректоры һәм профессор-укытучылар составы катнашында онлайн — конференция узды.
Конференцияне үткәрү турындагы карар 2021 елның 17 сентябрендә Төркмәнстанның Россия Федерациясендәге Генераль консулы Бәйрәмов Атадурда Халдурдыевичның Казан аграр университетына визиты кысаларында килешүләрнең нәтиҗәсе булды. https://kazan.tmconsulate.gov.tm/ru/news/85807
Пленар доклад белән Казан ДАУ ректоры, техник фәннәр докторы, доцент Вәлиев Айрат Рәсим улы һәм С. А. Ниязов исемендәге Төркмән авыл хуҗалыгы университеты ректоры Мырадов Довлетгельда Мырадович чыгыш ясадылар.
Фәнни вакыйгада аталган югары уку йортларының авыл хуҗалыгы өлкәсендә танылган әйдәүче галимнәре катнашты.
Чара программасының төп юнәлеше булып түбәндәге фәнни темалар буенча фикер алышу булды:
— Татарстан Республикасы аграр секторында икътисадый белем бирүне үстерү перспективалары (докладчы-Клычова Гүзәлия Салих кызы, икътисад фәннәре докторы, бухгалтер исәбе һәм аудит кафедрасы мөдире, профессор, Татарстан Республикасының атказанган икътисадчысы);
– Төркмәнстанның авыл хуҗалыгында фән һәм мәгариф үсешендә кабул ителгән реформалар һәм аларның әһәмияте (Сапарлыев Италмаз Сапарлыевич, профессор, гидротехник корылмалар кафедрасы мөдире);
– Икътисадның аграр секторында Татарстан Республикасының потенциалы (Сафин Радик Ильяс улы, Татарстан Республикасы Фәннәр Академиясе әгъза-мөхбире, профессор, гомуми игенчелек, үсемлекләрне яклау һәм селекция кафедрасы мөдире);
— Татарстан Республикасында җир ресурслары һәм ашламалар куллану турында (Гыйләҗев Миннегали Юсуп улы, агрохимия һәм туфрак белеме кафедрасы профессоры);
— Татарстан Республикасының аграр секторында урман сәнәгатен һәм экологиясен үстерү перспективалары (Мусин Харис Гайнетдин улы, авыл хуҗалыгы фәннәре докторы, профессор);
– Төрекмәнстанда терлекчелекнең хәзерге торышы һәм үсеше (Гарлыев Тария Гарлыевич, ветеринария фәннәре докторы, эпизоотология һәм паразитология кафедрасы доценты);
– Төрекмәнстанда терлекчелекнең хәзерге торышы һәм үсеше (Дурдыев Оразмөхәммәт Язлы улы, авыл хуҗалыгы мелиорациясе кафедрасының өлкән укытучысы, университетның Халыкара проектлар координаторы).
Якын арада яклар «Казан дәүләт аграр университеты» ЮҺБ ФДБМУ һәм С.А. Ниязов исемендәге Төркмән авыл хуҗалыгы университеты арасында мәгариф, фән, мәдәният, спорт, инновацияләр өлкәсендә хезмәттәшлек турында меморандумга кул куярга ниятли.
