Казан ДАУ командасы көрәш ярышларында җиңүче булды

2022 елның 28 гыйнварында «Тулпар» спорт комплексында аграр мәгариф учреждениеләре арасында көрәш буенча шәхси-команда республика ярышлары узды.

Ярышларны үткәрү максатлары:

●Сәламәт яшәү рәвешен пропагандалау

●Республикада көрәшне популярлаштыру

●Спорт осталыгын күтәрү

●Югары уку йортлары һәм урта махсус уку йортлары арасында дустанә мөнәсәбәтләрне ныгыту

Турнирда 9 команда арасыннан 100 дән артык спортчы катнашты:

— Казан дәүләт аграр университеты

— Н.Э. Бауман исемендәге Казан дәүләт ветеринария медицинасы академиясе

— «Сарман аграр көллияте»ДАҺБУ

– Габдулла Тукай исемендәге «Әтнә авыл хуҗалыгы техникумы»ДАҺБУ

 -«Кукмара аграр көллияте»ДАҺБУ

– «Буа ветеринария техникумы»ДАҺБУ

– «Актаныш технология техникумы»ДАҺБУ

– «Минзәлә авыл хуҗалыгы техникумы»ДАҺБУ

– «Саба аграр көллияте»ДАҺБУ

Ярышлар 6 авырлык категориясендә узды:  60 кг -нан 130 кг -га кадәр.

Көрәш бик кискен һәм килешмәслек булды, көндәшләр соңгы минутка кадәр көрәштеләр. Шәхси ярыш нәтиҗәләре буенча команда зачетында беренче урынны Казан ДАУ командасы алды.

Котлыйбыз һәм киләчәктә дә уңышлар телибез!