Татарстан Республикасының В. Е. Алемасов исемендәге Дәүләт премиясе

В.Е. Алемасов исемендәге Татарстан Республикасы Дәүләт премиясен бирү комитеты (яшь галимнәр өчен инженер фәннәре өлкәсендә премия) 2022 елгы премияне алу өчен эшләр кабул итә башлау турында хәбәр итә.

Премия инженерлык фәннәре өлкәсендә күренекле фәнни казанышлары һәм фән һәм сәнәгатьнең өстенлекле тармакларын үстерүгә зур өлеш керткән өчен Татарстан Республикасы территориясендә урнашкан фәнни оешмаларда, сәнәгать предприятиеләрендә яки мәгариф оешмаларында тикшеренүләрне башкаручы яшь галимнәргә бирелә.

Премияне алу өчен материаллар кандидатларны тәкъдим итү, эшләрне тәкъдим итү һәм материалларны рәсмиләштерү тәртибе нигезендә рәсмиләштерелергә тиеш, аның белән Татарстан Республикасы Фәннәр академиясе сайтында танышырга мөмкин: http://www.antat.ru/ru/competitions/alemasov/-.

Эшләр Татарстан Республикасы Фәннәр академиясе канцеляриясендә (420111, Казан, Бауман ур., 20, 114 бүлмә, т. (843) 292-02-72) 1 майга кадәр кабул ителә һәм теркәлә. Белешмәләр өчен телефон: (843) 292-52-04, e-mail: nio_anrt@bk.ru