Урманны саклау – һәркемнең эше!

Урман хуҗалыгы һәм экология факультетында «Россия урман саклау»  ФБУ вәкиле Ефременкова Венера Равил кызы белән очрашу үткәрелде.

Очрашуда студентлар филиалның төп эш юнәлешләре — дәүләт урман патологиясе мониторингы һәм урманнарны яңадан торгызу дәүләт мониторингы белән таныштылар. Очрашу барышында урман хуҗалыгы хезмәткәре һөнәренең мөһимлеге, шулай ук урман тармагында югары квалификацияле белгечләргә ихтыяҗ турында фикер алыштылар.

Студентлар үзләрен борчыган карьера перспективалары турында сораулар бирделәр. Очрашу дустанә һәм уңай атмосферада узды, барлык студентлар да җаваплар һәм киңәшләр алдылар.

Студентлар «Россия урман саклау» ФБУнең «Татарстан Республикасы урманнарын яклау үзәге» филиалына «Урманны яклау һәм дәүләт урман патологиясе мониторингы» бүлегенең һәм «Татар урман орлыгы станциясе» бүлегенең вакантлы вазыйфаларына чакырылды.