Казан дәүләт аграр университетында терроризмга каршы көрәштә бердәмлек көне узды

Ел саен Россиядә 3 сентябрьдә терроризмга каршы көрәштә бердәмлек көне билгеләп үтелә. Бу датаны 2005 елда «Россиянең Хәрби дан көннәре турында» Федераль закон белән билгеләделәр. Ул Бесландагы, Төньяк Осетиядә 2004-нче елда булган фаҗигале вакыйгалар белән бәйле. 1 сентябрьдән 3 сентябрьгә кадәр боевиклар шәһәрнең бер мәктәбен яулап алдылар, нәтиҗәдә, 300дән артык кеше һәлак булды, алар арасында 150дән артык бала. Бу фаҗига бөтен илне һәм дөньяны кешелексезлеге һәм рәхимсезлеге белән тетрәтте.

Казан дәүләт аграр университеты ел саен кайгылы акциядә катнаша. Быел да бу көнне истәлекле чара булды, анда  студентлар һәм кураторлар җыелган иде.  Алар Татарстан Республикасында Террорчылыкка каршы комиссия аппараты җитәкчесенең яшьләр ярдәмчесе Никита Переверзев үткәргән лецияне игътибар белән тыңладылар. Анда терроризм һәм экстремизм куркынычы турында әйтелде. Терроризм – хәзерге заманның коточкыч явызлыгы турында. Террористик актлар – хакимият органнарына, җәмгыятькә йогынты формасы. Шуңа күрә без барыбыз да аңларга тиеш, терроризмга каршы бердәмлек көне – дөньяны һәм тыныч тормышыбызны бозарга тырышучыларга безнең җавап!

Очрашуда билгеләп үтелгәнчә, бүген яшьләрне тәрбияләүгә зур игътибар бирелә, куркынычсызлык чараларын үтәргә, манипуляцияләргә һәм деструктив йогынтының башка төрләренә каршы торырга кирәклеге ассызыкланды.