Беренче курс укучыларын студентлар советы белән таныштыру

20 сентябрьдә Казан дәүләт аграр университетының Икътисад институтында 1 нче курс студентлары өчен директор Низаметдинов Марат Мингали улы һәм студентлар советы әгъзалары белән очрашу уздырылды.

Җыелышта М.М. Низаметдинов тулай торакка урнаштыру, укуны спорт белән берләштерү, гомумән уку процессы турында мәсьәләләрне күтәрде. Шулай ук студентларның кызыксынган сорауларына да җавап бирде.

Шулай ук студентлар советы рәисе Малыхина Ксения Игорь кызы беренче курс студентларына студентлар советын һәм аның юнәлешләрен тәкъдим итте.

Әгәр дә сез билгеле бер юнәлеш белән кызыксынсагыз, студентлар советы яңалыкларын карагыз, тиздән туплау булачак!