24 сентябрьдә «Студентлар патриотик йөгереше»Бөтенроссия акциясе узды. Чарада Россия Федерациясенең 85 субъектыннан барлык югары уку йортлары катнашты.

Проект хәзерге яшьләрне сәламәт яшәү рәвешенә тарту һәм Кызыл армиянең һәм Совет халкының 1941-1945 еллардагы Бөек Ватан сугышында нацистлар Германиясен җиңүе турында тарихи истәлекне саклауга юнәлдерелгән.

Акция кысаларында катнашучылар йөгереш дистанциясен 1418 метрга тиңләде, бу илебез Бөек Җиңүгә юл тоткан көннәр санын символлаштыра.

Патриотик йөгерештә безнең югары уку йорты студентлары, аспирантлары һәм кураторлары катнашты.

Чараны Россия Федерациясе Фән һәм югары белем министрлыгы «Мин горурланам»студентлар патриотик клублары ассоциациясе белән берлектә хуплады.

Ярыш нәтиҗәсе агробиотехнологияләр һәм җирдән файдалану институты өчен җиңү булды. Беренче урынны беренче курс студенты, Б121-01 төркем старостасы Батуев  Владислав яулады, өченче урынны беренче курс Б121-06 төркем студенты Хөснуллин Линар алды, өченче урынны 4 нче курс Б191-02 төркеменең студенты Сибгатуллин Ильяс алды.