Казан дәүләт аграр университетында «Чиста куллар – саф вөҗдан» Коррупциягә каршы квиз узды

2022 елның 27 октябрендә Казан дәүләт аграр университетының Механикалаштыру һәм техник сервис институтында «Чиста куллар – чиста вөҗдан» Коррупциягә каршы квиз узды.

Квизның максаты – студентларның хокукый грамоталылыгы дәрәҗәсен күтәрү һәм яшьләрдә коррупциягә каршы караш формалаштыру.

Студентлар коррупциягә каршы сәясәт һәм законнар турындагы белемнәрен тикшереп кенә калмыйча, ә бәлки зирәклек һәм конкурста бик мөһим булган команда рухын да күрсәтә алдылар!

Квизда катнашучылар 8 командага бүленде һәм конкурсның берничә этабын узды. Жюри әгъзалары: яшьләр сәясәте һәм тәрбия эшләре идарәсе башлыгы, доцент Мостафин А. А., коррупциягә каршы эшчәнлекне әйдәп баручы белгеч, доцент Локманов Р. Р., яшьләр белән эшләү бүлеге тәрбиячесе, доцент Нәфыйков И. Р., Механикалаштыру һәм техник сервис институты директоры урынбасары, доцент Әхмәтҗанов Р. Р. һәм доцент Лушнов М. А. иде.

Конкурс нәтиҗәләре буенча «Братва» командасы җиңүче булды, икенче урынны «Фемида» командасы, өченче урынны «Рыжий һәм башкалар» алды. Чарада катнашучыларның барысына да дипломнар, сертификатлар һәм кыйммәтле бүләкләр тапшырылды. Бүләкләрне университетның профкомы оештырды.