Казан ДАУ студентларының Казан шәһәренең Яңа Савин һәм Авиатөзелеш районнары хәрби комиссариаты бүлекчәсе начальнигы белән очрашуы булды.

Май аенда Казан дәүләт аграр университетында узган тагын бер мөһим чара – Механизация һәм техник сервис институты студентларының Казан шәһәренең Яңа Савин һәм Авиатөзелеш районнары хәрби комиссариатының гражданнарны хәрби хезмәткә әзерләү һәм чакыру бүлеге башлыгы Закиров Арсен Фарид улы белән очрашуы.

Очрашу барышында студентларга Россия Федерациясе Кораллы Көчләрендә хезмәткә чакыруның төп этаплары, шулай ук армия сафларында хезмәт итүнең өстенлекләре турында сөйләнде.

Әлеге чара чыгарылыш курс студентларында зур кызыксыну уятты, алар күп сораулар бирделәр һәм армиядә хезмәт итү мөмкинлекләре турында тулырак мәгълүмат алырга теләк белдерделәр.

Хәрби комиссариатның бүлек начальнигы белән очрашу студентлар өчен яңа мәгълүмат чыганагы гына түгел, ә әлеге өлкәдә белгечкә сораулар бирү мөмкинлеге дә булды.