Икътисад юнәлеше бухгалтерлык хисабы, анализ һәм аудит профиле буенча I Халыкара студентлар олимпиадасы

2023 елның 24-25 октябрендә Казан дәүләт аграр университетында икътисад юнәлеше бухгалтерлык хисабы, анализ һәм аудит профиле буенча I Халыкара студентлар олимпиадасы узды.

Олимпиаданың максатлары иҗади, интеллектуаль сәләтләрне ачыклау, үстерү һәм халыкара дәрәҗәдә икътисад өлкәсендә фәнни һәм гамәли эшчәнлеккә кызыксынуны стимуллаштырудан гыйбарәт.

Олимпиада ике турда уздырыла.

 Дистанцион форматта узган беренче турда һәр катнашучы махсус Moodle платформасында on-line режимында тест тапшыра.

 Икенче тур көндезге форматта уздырыла. Әлеге этапта конкурсантлар беренче турның тест мәсьәләләре темаларына охшаш темалар буенча ситуацияле мәсьәләләрне һәм кейс-стадияләрне хәл иттеләр.

🟡2023 елның 24 октябрендә олимпиаданың икенче этабын ачуда һәм ябылуда чыгыш ясаучылар:

•Дмитриев Андрей Владимирович – Казан ДАУның укыту-тәрбия эше һәм яшьләр сәясәте проректоры, техник фәннәр кандидаты, доцент;

•Низаметдинов Марат Мингали улы – Казан ДАУ икътисад институты директоры, икътисад фәннәре кандидаты, бухгалтерлык хисабы һәм аудит кафедрасы доценты;

•Клычева Гүзәлия Сәлих кызы – Казан ДАУ икътисад институтының бухгалтерлык хисабы һәм аудит кафедрасы мөдире, икътисад фәннәре докторы, профессор.

🟡 Б1 компаниясе һәм «Аудит ышаныч технологияләре» АҖ вәкилләре олимпиада җиңүчеләренә һәм призерларына махсус бүләкләр һәм грамоталар тапшырдылар.

Шулай ук алар компанияләр эшчәнлегенең презентациясе белән чыгыш ясадылар һәм Олимпиадада катнашучыларны һәм Казан дәүләт аграр университеты студентларын югары уку йортында укуларын тәмамлаганнан соң үз карьераларын Б1 һәм «Аудит ышаныч технологияләре»АҖ компанияләрендә дәвам итәргә чакырдылар.