Профессор Василий Петрович Петров истәлегенә багышланган XII Халыкара фәнни-гамәли конференция «Бухгалтер һөнәре»

2024 елның 20-21 февралендә профессор Василий Петрович Петров истәлегенә багышланган XII Халыкара фәнни-гамәли конференция узды – «Бухгалтер һөнәре – авыл хуҗалыгы производствасын нәтиҗәле идарә итүнең мөһим коралы»!

Конференция фәнни-технологик үсеш елы дип игълан ителгән 2024 елда Татарстан Республикасында уздырыла торган чараларны дәвам итә. Фәнни-технологик үсеш елы яшь талантларны фән өлкәсенә җәлеп итәргә, югары уку йортлары эшен активлаштырырга, перспективалы проектларга ярдәм итәргә һәм уку йортларын предприятиеләр белән интеграцияләргә тиеш.

Конференцияне оештыручы – Казан дәүләт агар университетының бухгалтерлык хисабы һәм аудит кафедрасы.

Конференциядә катнашучыларга сәламләү сүзе белән мөрәҗәгать иттеләр:

Вәлиев Айрат Рәсим улы – Казан дәүләт аграр университеты ректоры, профессор, ТР Фәннәр академиясенең мөхбир әгъзасы;

Исхаков Альберт Таһир улы – Казан ДАУ икътисад институты директоры урынбасары, икътисад фәннәре кандидаты, бухгалтерлык хисабы һәм аудит кафедрасы доценты;

Клычова Гүзәлия Сәлих кызы — бухгалтерлык хисабы һәм аудит кафедрасы мөдире, икътисад фәннәре докторы, профессор.

Конференциядә онлайн форматта Казахстан Республикасы, Беларусь Республикасы, Үзбәкстан Республикасы һәм Россия Федерациясе Югары уку йортлары вәкилләре катнашты.