Кайгы уртаклашу

2024 елның 25 июнендә 82 яшендә озакка сузылган авырудан соң Мудров Александр Григорьевич техник фәннәр докторы, Казан дәүләт аграр университетының гомуми инженерлык дисциплиналары (механизмнар һәм машиналар теориясе) кафедрасы профессоры вафат булды.

Александр Григорьевич Татарстан Республикасы Авыл хуҗалыгы тармагы өчен квалификацияле кадрлар әзерләүгә зур өлеш кертте.

1971 елдан 2016 елга кадәр ул өлкән укытучы, доцент, механизмнар һәм машиналар теориясе кафедрасы профессоры вазифаларында эшли. 1999 елда техник фәннәр докторы гыйльми дәрәҗәсенә диссертация яклый. Ул әйләнү парлары белән киңлектәге шарнирлы-рычаглы механизмнар теориясен эшләү һәм камилләштерү, алар базасында яңа җайланмалар һәм машиналар булдыру белән шөгыльләнә. 60тан артык китап һәм уку-методик күрсәтмәләр басылып чыга. Аның күпьеллык нәтиҗәле тикшеренүләре нәтиҗәләре 140 фәнни мәкаләдә һәм 5 монографиядә басылып чыга.

Аның уйлап табуларының яңалыгы 110 нан артык авторлык таныклыгы һәм патенты белән расланган. А.Г. Мудровның тикшеренүләр өлкәсендәге фәнни абруе безнең илдә һәм аннан читтә бәхәссез. А.Г. Мудровның фәнни өлеше аңа 1991 елда «Татарстан Республикасының Атказанган уйлап табучысы» һәм 1998 елда «Россия Федерациясенең атказанган уйлап табучысы» дигән мактаулы исемнәр бирү белән бәяләнә. «Казанның 1000 еллыгы истәлегенә»медале белән бүләкләнгән.

Казан дәүләт аграр университеты җитәкчелеге һәм коллективы туганнары һәм якыннарының тирән кайгысын уртаклаша. Александр Григорьевич турында якты истәлек безнең йөрәкләрдә мәңгегә сакланачак.