27 сентябрьдә Казан дәүләт аграр университетында халыкара конференциядә катнашучыларның зур делегациясе булды, алар арасында Россиянең аграр һәм техник югары уку йортлары җитәкчеләре, РФ Дәүләт Думасы депутаты, Түбән Новгород өлкәсе дәүләт хакимияте вәкилләре, шулай ук Үзбәкстанлыларның республика берләшмәсе башкарма директоры, Россия югары уку йортларын тәмамлаучылар бар иде.

Кунаклар музейда, актлар залында һәм фермер мәктәбенең аудиториясендә булдылар. Утырышлар залында катнашучыларны укыту-тәрбия эше һәм яшьләр сәясәте  проректоры Андрей Дмитриев, фәнни-инновацион эшчәнлек идарә башлыгы Марат Кәлимуллин, икътисад институты директоры Марат Низаметдинов сәламләде. Кунакларга Казан дәүләт аграр университетының тарихы һәм бүгенге хәле турында презентация тәкъдим иттеләр.

Делегация җитәкчесе, Түбән Новгород дәүләт инженер-икътисад университеты ректоры Шамин Анатолий Евгеньевич үз югары уку йорты эшчәнлеге белән таныштырды һәм төбәк хакимияте белән уңышлы хезмәттәшлек тәҗрибәсе турында сөйләде. Дәүләт Думасының фән һәм югары белем бирү комитеты рәисе урынбасары Харченко Екатерина Владимировна үз чыгышында Россия югары уку йортларының фән һәм мәгариф өлкәсендәге хезмәттәшлегенең мөһимлеген ассызыклады.

Очрашуда катнашучылар хезмәттәшлекне дәвам итәргә, шул исәптән уртак чаралар уздырырга килештеләр.