16 апрельдән 18 апрельгә кадәр Новосибирск Академшәһәрчегендә Россия Фәннәр академиясенең Себер бүлеге һәм Татарстан Фәннәр академиясе тарафыннан Новосибирск өлкәсе һәм Татарстан хөкүмәтләре ярдәмендә Татарстан Республикасы Фән һәм Мәдәният көннәренә багышланган чаралар уза

Чараларны ачу тантанасы бүген, 16 апрельдә, Татарстан Республикасы премьер-министры урынбасары Ләйлә Фазлыева һәм Татарстан Республикасы Фәннәр академиясе президенты Рифкать Миңнеханов катнашында узды.

Татарстан Республикасы делегациясе составында Казан ДАУ югары белем бирү федераль дәүләт бюджет мәгариф учреждениесенең беренче проректоры Айрат Рәсим улы Вәлиев, фәнни эшләр һәм инновацияләр проректоры Марат Нәҗип улы Кәлимуллин һәм агроэкологик тикшеренүләр үзәге җитәкчесе Гөлназ Һидият кызы Шәймуллина бар.

Чаралар барышында фәнни сессия, фәнни-гамәли семинар, татар костюмы картиналары һәм экспозицияләре күргәзмәсе, мастер-класслар һәм Татарстанның әйдәп баручы артистлары концерты планлаштырылган. Чаралар регионнар арасында фәнни һәм мәдәни багланышларга, очрашулар уздыруга һәм мөмкин булган уртак проектлар турында фикер алышуга, тәҗрибә уртаклашуга һәм технологик лидерлыкның милли максатына ирешү өчен регионнарның көчләрен берләштерүгә юнәлдерелгән.