Яшь умартачылар өчен

Бүгенге көннән Яшел Үзәндә «Обсерватория урта гомуми белем бирү мәктәбе» базасында теләгән һәркем умартачылык тарихы белән таныша ала. Икътисад Институты «Дәүләт һәм муниципаль идарә» юнәлеше буенча укучы студент Элина Низамова «Мәктәптә умартачылык музее» проектын башлап җибәрде.

“Мәктәптә умартачылык музее” – Сурчаковлар гаиләсе төзегән уникаль белем бирү программасы булган автор проекты. Умартачы Сергей Евгеньевич Сурчаков яраткан шөгыленә хатыны Светлана Николаевнаны җәлеп итә. Ә хатыны исә бу өлкәдә балалар өчен белем бирү программасы булдыра.

Программаның нигезе – процесска практик җәлеп итү. Беренче очрашуда ук балалар өч төркемгә бүленделәр һәм һәркайсына индивидуаль эш бирделәр:

• бал кортлары булдырган материаллар белән (серкә, бал кортлары, перга)  тәҗрибә уздыру;
• умартачылыкның уңай һәм тискәре якларын билгеләргә, ә аннан соң бу турыда экспертлар белән фикер алышырга;
• умарта кортларының глобаль һәлак булу проблемасын бетерү буенча тәкъдимнәр уйларга һәм формалаштырырга.

Моннан тыш, музейда умарталык инвентаре исемлеге, шулай ук аларны куллану буенча инструкция тәкъдим ителгән. Мәсәлән, ачылу тантанасында укучылар үз куллары белән бал өчен рамка ясадылар. 

Элина белән горурланабыз һәм проектка уңышлар телибез!