Россия Авыл хуҗалыгы министрлыгы югары уку йортлары арасында студентлар иҗаты фестивален ачу

Кичә Россия Федерациясе Авыл хуҗалыгы министрлыгы югары уку йортлары арасында студентлар иҗаты фестивален ачу тантанасы гөрләде. Воронеж ДАУ студентлары һәм укытучылары концерт программасын күрсәттеләр һәм кунакларны Россиянең беренче үзәк кара туфрак югары уку йорты белән таныштырдылар.

Тамашачылар –270 тән артык кеше, бөтен юбилей залына кереп тулдылар. Барабанчылар кире исәпне кактылар, бинада ут сүнде һәм софитлар кабынды, ә сәхнәдә биючеләр пәйда булды— бәйрәм концерты әнә шулай башланып китте. Зал беренче секундлардан ук уңай көч туплады.

Аннары сәламләү сүзе белән сәхнәгә Воронеж дәүләт аграр университеты ректоры вазыйфаларын вакытлыча башкаручы Александр Агибалов чыкты.

33 университет вәкилләре флаглар белән чиратлап сәхнәгә чыктылар.

Фестивальдә катнашучыларны котларга «Агро белем бирү» ассоциациясе директоры Виктор Бердышев, Воронеж өлкәсенең аграр сәясәт департаменты җитәкчесе урынбасары Александр Харьковский (ВДАУны тәмамлаган), Казан дәүләт аграр университеты ректоры Айрат Вәлиев килгән иде.

Кичәнең төп вакыйгасы – фестиваль Кубогын тапшыру. Аның элеккеге иясе — ректор Айрат Вәлиев йөзендә Казан ДАУ — көчле алкышлар астында Воронеж дәүләт аграр университетына тапшырды.