Аграр университетның белем бирү процессына финанс грамоталылыгын интеграцияләү

“Агроволга” Халыкара агросәнәгать күргәзмәсе мәйданчыгында Россия Банкы бүлеге – Татарстан Республикасы буенча Милли банкның хезмәттәшлеге турында килешү имзаланды. Документка идарәче Марат Шәрифуллин һәм ректор Айрат Вәлиев кул куйды. Килешү студентларның финанс һәм санлы грамоталылыгын арттыруга юнәлдерелгән үзара ярдәм итәчәк.

Эшлекле очрашу барышында яклар уртак эш форматын билгеләделәр. “Икътисади культура, шул исәптән финанс грамоталылыгы” компетенциясен формалаштыру өчен укучыларны Россия Банкының онлайн-проектларында катнашырга җәлеп итү планлаштырыла. Укытучыларның яңа уку елында заманча белем бирү алымнарын һәм инструментларын кертү мотивациясен арттыру максатыннан, конкурслар, конференцияләр һәм түгәрәк өстәлләр үткәреләчәк.

“Университет белән хезмәттәшлектә без төп бурычның чишелешен күрәбез –студентларга акыллы финанс тәртибе нигезләрен салу. Һәм килешүгә кул кую – бу юнәлештә системалы эш алып бару өчен мөһим адым”, – дип билгеләп үтте Россия Федерациясе Үзәк банкының Идел-Нократ баш идарәсенең Татарстан Республикасы буенча Милли банкы бүлеге идарәчесе Марат Шәрифуллин.

Казан дәүләт аграр университеты ректоры Милли банк белән аграр университет арасындагы хезмәттәшлек нәтиҗәле булыр, дигән ышаныч белдерде. Ә чыгарылыш сыйныф укучылары киләчәктә яшәячәк һәм эшләячәк шәһәр-районнарда финанс грамоталылыгын үткәрерләр.