Казан ДАУ милли агрегацияле рейтингның 1 лигасына кереп, югары статусын раслады

Казан дәүләт аграр университеты, 2025 ел йомгаклары буенча Милли агрегацияле предмет рейтингының 1 лигасына кереп, илнең әйдәп баручы аграр югары уку йортлары арасында үз позицияләрен ныгытты. Бу казаныш белем бирү сыйфатының һәм университетның фәнни-тикшеренү эшчәнлегенең системалы үсешен чагылдыра.

Россиянең иң абруйлы 11 рейтингы мәгълүматларын берләштергән милли агрегацияле предмет рейтингы югары уку йортларын бәяләүнең иң объектив инструментларының берсе булып тора. 1нче лигага эләгү Казан дәүләт аграр университетының күп кенә төп күрсәткечләр буенча тотрыклы югары нәтиҗәләр күрсәтүен һәм Россиянең аграр һәм авыл хуҗалыгы вузларының элиталы төркеменә керүен аңлата.

Без бу нәтиҗәне мәгариф, фән һәм практиканы интеграцияләү буенча планлы эшебезнең закончалыклы нәтиҗәсе буларак карыйбыз. Заманча белем бирү программаларын гамәлгә кертү, безнең хезмәткәрләрнең һәм студентларның актив фәнни эшчәнлеге, республиканың әйдәп баручы агрохолдинглары белән тыгыз хезмәттәшлек — болар барысы да комплекста безгә үз позицияләребезне сизелерлек ныгытырга мөмкинлек бирде. ПМАРның беренче лигасына керү-абруй гына түгел, ә агросәнәгать комплексы өчен кирәкле белгечләр әзерләп, дөрес юнәлештә хәрәкәт итүебезне дә раслау»

ПМАР ның 1 лигасына керү югары уку йорты алдында яңа мөмкинлекләр ача, шул исәптән башка регионнардан килгән абитуриентлар өчен җәлеп итүчәнлекне көчәйтү, сәнәгать һәм фәнни үзәкләр белән партнерлык элемтәләрен киңәйтү, шулай ук зуррак дәүләт һәм халыкара проектларда катнашу.