Казан дәүләт аграр университетында Белем көнен тантаналы рәвештә билгеләп үттеләр

Традиция буенча 1 сентябрьдә Казан дәүләт аграр университетында Белем көне узды. Ул иртәнге 8.00 сәгатьтә механикалаштыру һәм техник сервис институты каршындагы яңартылган мәйданчыкта узды. Тантанага беренче курс студентлары һәм аларның әти-әниләре, шулай ук студентлар җыелдылар. Аларны Ректор Айрат Вәлиев, мөхтәрәм кунаклар: Татарстан Республикасы Яшьләр эшләре министры урынбасары Ренат Садыйков, Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов, Татарстан Республикасы Урман хуҗалыгы министрлыгының урман фондын саклау һәм яклау секторы мөдире Алексей Мосунов, «Россия авыл хуҗалыгы банкы» АҖнең Татарстан филиалы директоры Ләлә Кудерметова, «Август-Агро» идарәче компаниясе башкарма директоры Ришат Закиров җылы котладылар.

Тантаналы линейкада университет студентларына уку һәм практикада актив хезмәтләре өчен рәхмәт хатлары, шулай ук ректор стипендиясен алуга исемле сертификатлар тапшырылды. Беренче курс студентлары институтлар/факультетлар җитәкчеләре һәм төркем кураторлары белән таныштылар.

Казан дәүләт аграр университеты өчен бу юбилей елы — аңа нигез салынуга 100 ел тула. Шул уңайдан ректор Айрат Вәлиев һәркемгә укуда уңышлар теләде һәм: «Быел беренче курс студентлары җыелмасын хаклы рәвештә юбилейлы дип атарга мөмкин, ә бу – зур җаваплылык!»

Чараның мәртәбәле кунаклары барысын да Белем көне белән котладылар. Ренат Садыйков ассызыклаганча, «Бәйрәм белән илнең иң яхшы югары уку йорты, беренче курс студентлары арасында булачак авыл хуҗалыгы һәм республика җитәкчеләре тора!»