Казан дәүләт аграр университетында «Фермер мәктәбе»белем бирү проекты ябылды
2022 елның 9 декабрендә Казан дәүләт аграр университетында «Фермер мәктәбе» белем бирү проектын ябу булды, ул нәтиҗәле фермер бизнесын булдыруга һәм эшмәкәрләрнең квалификациясен күтәрүгә юнәлдерелгән.
Белем бирү программасы Казан дәүләт аграр университеты базасында Татарстан Республикасы Авыл хуҗалыгы һәм азык-төлек министрлыгы ярдәме белән тормышка ашырыла. Укыту өчен кирәкле һәм перспективалы юнәлешләр сайланды: «Терлекчелек» һәм «Кошчылык».
Проект агымдагы елның 20 сентябрендә башланды, уку ике ай дәвам итте. Проектта 40 тыңлаучы — Татарстан Республикасының төрле районнарыннан яңа һәм тәҗрибәле фермерлар катнашты. Бу вакыт эчендә «Фермер мәктәбе» нең 40 тыңлаучысы АПКның әйдәп баручы белгечләрен, тәҗрибәле укытучыларны һәм Россельхозбанк (Россия авыл хуҗалыгы банкы) хезмәткәрләрен җәлеп итеп, лекция һәм семинар дәресләрендә яңа белемнәр алды.
Гамәли дәресләр республикабызның алдынгы хуҗалыклары базасында узды:
ТР Саба районы Мөхәммәтшин КФХ
«Левашово»терлекчелек комплексы
ТР Алексеевск районының «Красный Восток» АФ
ТР Лаеш районы «Рамай Фермер хуҗалыгы» ҖЧҖ
Бариев Р.Х. КФХ — Татарстан Республикасы Арча районы Якты-Кен кошчылык фермасы
ТР Биектау районының «Котдусов фермер утары» тәвә кошы фермасы
Укуның нәтиҗәсе крестьян (фермер) хуҗалыгын төзү яки аның эшчәнлеген үстерү буенча үз бизнес-планын әзерләү һәм яклау булды.
Йомгаклау аттестация эшләрен яклау барышында тыңлаучылар әзерлекнең югары дәрәҗәдә булуын һәм кызыклы проектлар күрсәттеләр.
Шунысын да билгеләп үтәргә кирәк, фермерлар мәктәбен тыңлаучылар арасында яшь фермерлар гына түгел, инде үсеп килүче җитештерү мәйданчыклары, планнары булганнары да бар. Проектта катнашучылар арасында:
– Александрова Анастасия
-Дмитриева Лилия
– Габидуллина Рәзинә
-Газимовлар гаиләсе һ. б.
«Фермер хуҗалыгы агробизнесы» программасы буенча һөнәри әзерлек турында барлыгы 40 укучы диплом алды. Уку тәмамлангач, күпләр юридик зат буларак теркәлергә һәм үз хуҗалыкларын булдырырга, ягъни үз бизнесларын киңәйтергә карар кылдылар»
