Казан дәүләт аграр университеты Кыргызстанда VII Халыкара Евразия Мәгариф күргәзмәсендә экспозиция тәкъдим итте

11-14 мартта Кыргызстанда VII Халыкара Евразия мәгариф күргәзмәсе уза, анда Россия, Казахстан һәм Кыргызстанның әйдәп баручы университетлары катнаша

Евразия мәгариф күргәзмәсе «Евразия хезмәттәшлек оешмасы» АНО тарафыннан оештырылган һәм Кыргызстан Республикасы Мәгариф һәм фән Министрлыгы белән Ошадагы Рус йорты ярдәме белән Кыргызстанның көньягында уза.

Күргәзмәнең рәсми ачылышы 11 мартта Ошада узды. 12, 13, 14 мартта ул Кызыл Кие, Үзген һәм Җәләл-Абадта эшен дәвам итә.

Казан дәүләт аграр университеты исеменнән форумда пед.ф.к., доцент, Гүзәл Фассахова  һәм  а.х.ф. к., доцент, Әниса Даминова чыгыш ясый. Аграр университет стенды потенциаль абитуриентларга һәм аларның әти-әниләренә хәбәрдәр булып тора, аларга бакалавриат, магистратура, аспирантураның белем бирү программалары, шулай ук Казан ДАУ УҺББ (Урта һөнәри белем бирү) белгечлекләре белән танышырга ярдәм итә.

Көн саен күргәзмәгә 1000нән артык мәктәпне тәмамлаучы килә. Балалар Россиядә уку һәм аграр белем алуга зур кызыксыну күрсәтәләр. Балаларга аеруча « Экология һәм табигатьтән файдалану», «Агрономия», «Гамәли информатика», «Менеджмент», «Транспорт-технологик машиналар һәм комплекслар эксплуатациясе»кебек юнәлешләр кызыклы.

«Балалар шулай ук Россиядә авыл хуҗалыгында заманча технологияләр, аграр өлкәдә робототехника куллану»– белән кызыксыналар! – дип хәбәр итте Гүзәл Фассахова.

Мондый күргәзмәләрдә катнашу абитуриентларга Казан дәүләт аграр университетында әзерлек юнәлешләре турында яхшырак белергә мөмкинлек бирә.