Казан дәүләт аграр университеты студенткасы яшь галимнәрнең дәрәҗәле конкурсында тикшеренүләрен тәкъдим итте!

8 апрельдә практик ветеринария табиблары ассоциациясе VI «Көмеш микроскоп» милли премиясен үткәрде — бу Ветеринария һәм хайваннар биологиясе өлкәсендә яшь тикшеренүчеләр өчен иң әһәмиятле вакыйгаларның берсе. Әлеге конкурс гадәттәгечә XXXIV халыкара Мәскәү ветеринария конгрессының студентлар фәнни секциясе кысаларында уза һәм бөтен илдән иң талантлы студентларны, ординаторларны, интерннарны һәм аспирантларны җыя. Премиядә катнашу – үзең турында белдерү мөмкинлеге генә түгел, ә үзебезнең ветеринария фәнен үстерүгә үз өлешеңне кертү, әйдәп баручы белгечләр белән тәҗрибә уртаклашу һәм үз тикшеренүләреңнең эксперт бәясен алу мөмкинлеге дә ул.

Быел конкурсантлар арасында Казан ДАУның «Н.Э. Бауман исемендәге Казан ветеринария медицинасы Академиясе» институты студенты Лиана Нагуманова да бар иде. Ул «Йорт мәчеләренең ашказанында HELICOBACTER SPP бактерияләрен индикацияләү һәм идентификацияләү»дигән актуаль темага доклад тәкъдим итте. Аның эше йорт хайваннары микрофлорасын диагностикалау һәм өйрәнү мәсьәләләренә багышланган, бу заманча ветеринария медицинасы өчен зур практик әһәмияткә ия.

Студент кызыбызның мондый абруйлы конкурста катнашуы – ул шәхси казаныш кына түгел, Казан дәүләт аграр университетының фәнни потенциалын ныгытуга да зур өлеш кертә. Без Лиана белән горурланабыз һәм аңа алга таба да фән өлкәсендә уңышлар телибез!