Казан дәүләт аграр университеты урта гомуми белем бирү мәктәпләре укучылары белән очрашты

2022 елның 27 октябрендә Казан дәүләт аграр университетының Мәгълүмат-консультация бригадалары эше кысаларында кабул итү комиссиясе белән бергә Чүпрәле районы урта гомуми белем бирү мәктәпләре укучылары белән очрашулар уздырылды.

Очрашу вакытында машиналарны эксплуатацияләү һәм ремонтлау кафедрасы доценты И.Х. Гыймалетдинов вуз структурасы, әзерлек юнәлешләре, керү кагыйдәләре турында сөйләде. Шулай ук тулай торакка урнашу, практика узу һәм алга таба эшкә урнашуга кагылышлы мәсьәләләр күтәрелде.

Мәктәпләрдә очрашулар дустанә һәм җылы шартларда узды. Оештыручыларга һәм укучыларга кызыксынулары өчен зур рәхмәтебезне белдерәбез.