“Рус кыры” форумы эшенең дәвамы: Россия Федерациясе Авыл хуҗалыгы министры инновацион аграр класслар презентациясендә булды

Казан дәүләт аграр университетының Агробиотехнопаркында уза торган «Рус кыры» форумы тармак экспертларының игътибарын җәлеп итүен дәвам итә. Форумга дәрәҗәле кунаклар — Россия Федерациясе Авыл хуҗалыгы министры Оксана Лут Татарстан Республикасы Авыл хуҗалыгы һәм азык-төлек министрлыгы җитәкчелеге Марат Җәббаров белән берлектә килде.
Казан ДАУ ректоры вазыйфаларын вакытлыча башкаручы Илшат Нуриев экскурсияне булачак белгечләрне әзерләүнең төрле юнәлешләре буенча университет белән актив хезмәттәшлек итүче инновацион агрокласслар белән танышудан башлады. Агрокласслар җитәкчеләре һәм укучылар үзләре кунакларга ирешкән уңышларын күрсәттеләр, уникаль белем бирү проектларын гамәлгә ашыру буенча тәҗрибә уртаклаштылар.

Аерым игътибар берничә мәгариф мәйданчыгына бирелде, атап әйткәндә:

-Бөгелмә районының Кече Бөгелмә урта мәктәбе МБМУ, анда «Эко-Нива»компаниясе инвестицияләре ярдәмендә агротехнологик класс ачылган.
-Зеленодольск районында урнашкан В.В. Карпов исемендәге лицей МБМУ, алдынгы технологияләр кулланып, авыл хуҗалыгы культураларын үстерү шартларын тикшерү проектларын гамәлгә ашыра.
-Актаныш районының Киров урта мәктәбе, бөртекле-кузаклы культураларның экологик сортларын сынау буенча фәнни тикшеренүләре белән танылган.
-Яшел Үзән районының «Умартачылык» юнәлеше буенча махсуслаштырылган агрокласс ачкан -«Обсерватория урта мәктәбе» нең уникаль инициативасы, ул укучыларга һөнәрләре белән башлангыч сыйныфтан ук танышырга мөмкинлек бирә.
-Балтач районының Бөрбаш урта мәктәбе, укучыларны умартачылык нигезләрен һөнәри үзләштерүгә әзерли һәм Россия һәм төбәк ярышларында җиңү яулый.
-Тагын бер мөһим мәйданчык — Балтач районының«Кече Лза урта мәктәбе» МБМУ, ул экологияне һәм урман хуҗалыгын өйрәнүгә юнәлдерелгән, анда укучылар агачларны карау нечкәлекләрен үзләштерәләр һәм гади нарат үстерү белән экспериментлар үткәрәләр.

Казан дәүләт аграр университетында «Класс-Агро» программасын гамәлгә ашыру 2020 елның сентябрендә башланды. Бу чорда Татарстанның төрле муниципалитетларында 71 профильле сыйныф ачылды. Агроклассны беренче тәмамлаучылар активлык күрсәтәләр инде: хәзерге вакытта унберенче сыйныфны тәмамлаучы 28 һәм тугызынчы сыйныфны тәмамлаучы 56 укучы Казан дәүләт аграр университетына укырга гариза юллаган.

Шулай итеп, авыл хуҗалыгы министрының килүе Россия авылын үстерү һәм авыл хуҗалыгы юнәлешендәге югары квалификацияле белгечләрнең яңа буынын формалаштыру өчен фән һәм мәгариф интеграциясенең мөһимлеген ассызыклады.