Сөт продуктлары серләреннән алып акыллы теплицаларга кадәр: Казан дәүләт аграр университетында 120 укучы проектларын тәкъдим итте
19 мартта Казан дәүләт аграр университетында мәктәп укучыларының «Татарстан фәне һәм яшьләре – Агровызов»дигән еллык фәнни – гамәли конференциясе узды.
Чарага Татарстаннан, Самара һәм Киров өлкәләреннән 120дән артык катнашучы җыелды
⠀
Үз эшләрен Казаннан һәм республиканың 18 районыннан мәктәп укучылары тәкъдим итте. Бигрәк тә Саба, Балтач, Лаеш, Кукмара, Тәтеш, Актаныш, Буа, Питрәч, Спас, Мамадыш һәм Татарстанның башка районнарыннан балалар актив катнашты.
⠀
Халык кәсепләреннән алып югары технологияләргә кадәр
Тикшеренүләр төрле секцияләрдә тәкъдим ителде. Күп кенә укучылар, туган як мәдәнияте белән багланышларын ассызыклап, татар телендәге проектларны якладылар.
Иң күп санлысы «Минем кече Ватаным»номинациясе булды. Катнашучылар тарих, экология, фольклор һәм этнографияне өйрәнделәр, шулай ук практик чишелешләр тәкъдим иттеләр, мәсәлән, үсентеләр өчен экологик стаканнар һәм табигый материалдан кәгазь ясау.
⠀
Тел һәм фольклор буенча хезмәтләр аерым кызыксыну уятты: укучылар татар, удмурт, рус һәм инглиз телләрен чагыштырдылар, әкият һәм диалектларны анализладылар.
⠀
Авыл хуҗалыгы балалар күзлегеннән
Терлекчелек һәм үсемлекчелек секцияләрендә укучылар сөт продуктлары, тәвә кошы, каз, сыер, куян һәм атлар үрчетү, шулай ук гигант яшелчәләр, орлыкларның шытып чыгуы һәм үсемлекләрнең үсүенә төрле матдәләрнең йогынтысы турында тикшеренүләр күрсәттеләр.
⠀
Цифрлы икътисад һәм акыллы технологияләр
«Цифрлы икътисад» һәм «яшь эшмәкәр» секцияләрендә IT һәм агрономия тоташкан проектлар: акыллы теплицалар, үсемлекләр үстерүнең автоматлаштырылган системалары, Агро-стартаплар һәм авыл хуҗалыгы өчен цифрлы чишелешләр тәкъдим ителде.
⠀
Конференция нәтиҗәләре
Барлык катнашучылар да сайлап алуның ике этабын үттеләр: читтән торып экспертиза һәм күзгә-күз яклау. Конференция йомгаклары буенча җиңүчеләргә дипломнар һәм истәлекле бүләкләр тапшырылды.
⠀
Булачак абитуриентлар өчен мөһим:
«Татарстан фәне һәм яшьләре – Агровызов» конференциясендә җиңү Казан ДАУ-на шәхси казаныш буларак кергәндә БДИ суммасына өстәмә 10 балл бирә.
⠀
Казан дәүләт аграр университеты укучыларга, аларның ата-аналарына һәм фәнни җитәкчеләргә якты чыгышлары һәм фәнгә кызыксынулары өчен рәхмәт белдерә.