Уку практикасы яңалыклары
«Дәүләт һәм муниципаль идарә» юнәлешенең Б311-05 төркемендәге 1 курс студентлары Казан шәһәре һәм Татарстан Республикасы районнары мәктәпләрендә җәмәгать күзәтүчеләре буларак уку практикасын узалар. Алар үз фикерләре белән уртаклаштылар:
Айсылу Ямалетдинова: “Быел безгә БДИда федераль җәмәгать күзәтүчесе ролендә катнашырга насыйп булды. Безнең эш дәүләт йомгаклау аттестациясен үткәрүнең объективлыгын контрольдә тоту һәм тәэмин итү буенча алып барылды. Җәмәгать күзәтүчесенең иртәсе мавыктыргыч сәяхәттән имтихан үткәрү пунктларына(ИҮП) кадәр башлана. Бигрәк тә башка районнарга сәяхәт кылу кызык. Беренче эш итеп безне иртәнге аш көтә, алга таба безгә кайбер техник бозу очракларына имтихан үткәрү пунктларын (ИҮП) тикшерергә кирәк. Шуннан соң гына эшнең иң кызыклы өлеше башлана. 9: 00 сәгатьтә имтиханда катнашучыларны аудиториягә кертә башлыйлар. Безнең бурыч-чыгарылыш сыйныф укучыларының намуслылыгын күзәтү һәм кирәк булганда хокук бозулар турында хәбәр итү. Унберенче сыйныфларның барысы да металлорамка аша узганда, без имтиханның башлануын көтәбез. Алга таба имтихан ахырына кадәр ИҮПда контроль үткәрәбез. Ахырда, үз булуыңны раслау өчен, ике хисап тутырырга кирәк. Минемчә, җәмәгать күзәтүчесе булу мөһим роль уйный, чөнки ул, чыннан да, имтихан үткәрүнең объективлыгын гарантияли. Ул бәйсез эксперт, өченче зат дип әйтергә була. Күзәтүчеләр булу укучыларның һәм гомумән, җәмгыятьнең имтихан үткәрү процедурасына ышанычын арттыра”.
Алинә Вәлиева: «Беренче эш итеп без барлык аудиторияләрне дә карап чыгабыз, анда сәгатьләрне чагыштырабыз, имтихан үткәрүгә җәлеп ителмәгән барлык шкафлар һәм аудиторияләрне билгеләп (бастырып) чыгарабыз, оештыручыларны каршы алабыз, аларны металлорамка аша тикшерәбез, анда кагыйдә бозулар юкмы, бәдрәфләрдә шпаргалка яки телефоннар яшермиләрме, имтиханнар вакытында коридор буенча бераз йөрибез, штабта укучыларны камералар аша күзәтәбез, кисәтүләрне күзәтәбез, әгәр алар килсә, хәлне ачыклыйбыз. Медпунктка да керәбез, бар әйбер дә билгеләнгәнме (бастырып чыгарылуына ышанабыз) һәм журналларының барлыгына инанабыз.
Галиев Денис: “Минем уку практикам БДИда һәм ТДИда җәмәгать күзәтүчесе буларак узды. Иҗтимагый күзәтчелекнең бурычы – укучылар дисциплинаны үтәү, БДИ һәм ТДИ үткәрүдәге оештыру проблемаларын һәм кимчелекләрне ачыклау, процедураны камилләштерү, шулай ук укучылар тарафыннан да, оештыручылар ягыннан да имтихан үткәрү кагыйдәләрен үтәүне контрольдә тоту. Бер ел элек мин үзем БДИ тапшырдым һәм ул вакытта барысы да күзәтүчеләр тарафыннан ничек узганын беләсем килгән иде, тәкъдим ителгән практика белән мин боларны белә алдым. Минем күзәтүем барышында бернинди җитди хокук бозулар ачыкланмады, бу укучыларны һәм оештыручыларны яхшы һәм җаваплы әзерләү турында сөйли».
