«Фермер мәктәбе» проектын тыңлаучылар үзләренең бизнес-проектларын якладылар

15-16 ноябрь көннәрендә «Фермер мәктәбе» проекты тыңлаучылары үзләренең бизнес-проектларын якладылар.

Татарстан Республикасында «фермер мәктәбе»мәгариф проекты ахырына якынлаша. Ике ай дәвамында аны тыңлаучылар рентабельле фермер хуҗалыгын алып бару, финанс грамоталылыгын арттыру һәм конкрет юнәлешләрдә практик күнекмәләр алу нигезләре буенча белем алдылар, үз бизнес-проектларын эшләделәр һәм уңышлы якладылар.

Проектларны яклау Казан дәүләт аграр университетында йомгаклау аттестация комиссиясе утырышы кысаларында узды

Аттестация комиссиясе хөкеменә «Фермер хуҗалыгының агробизнесы» өстәмә һөнәри программасы буенча «Кошчылык», «Терлекчелек» юнәлешләре буенча бизнес проектлары тәкъдим ителде .

Комиссия әгъзалары бизнес-проектларның гомуми югары дәрәҗәдә булуын билгеләп үтте, бу «Фермерлар мәктәбе» проектын тәмамлаучыларга киләчәктә үз хуҗалыкларын уңышлы үстерергә мөмкинлек бирәчәк.