Фән мәктәптән башлана! Коллегабызны котлыйбыз!

«Республика кафедра һәм лаборатория мөдирләре мәктәбе» нең квалификациясен күтәрү кысаларында Казан дәүләт аграр университетының җир төзелеше һәм кадастрлар кафедрасы доценты Айсылу Билал кызы Мостафина мәктәп укучылары өчен «Мин — булачак галим»һөнәри юнәлеш проектын тәкъдим итте һәм бик шәп яклады.

Проект иң югары дәрәҗәдә тәкъдим ителде:

Альберт Харис улы Гыйльметдиновка, Татарстан Республикасы Президенты ярдәмчесенә;

Рифкать Нургали улы Миңнехановка, Татарстан Республикасы Фәннәр академиясе Президентына.

Ни өчен бу шулай мөһим? Проектның темасы бүген аеруча актуаль.Ул яңа буынга заманча галимнең кем булуын, фәнни эшчәнлекнең нинди чиксез мөмкинлекләр ачуын һәм фәндә карьера файдасына аңлы рәвештә сайлау ясарга чакырылган.

Безнең бурыч – укучыларда кызыксыну чаткысы кабызу!
Айсылу Билаловнаны чын күңелдән уңышлы яклавы белән котлыйбыз! Бетмәс-төкәнмәс энергия, фәнне, педагогик эшчәнлекне үстерүдә һәм фәнни белемнәрне яшьләр арасында популярлаштыруда алга таба да уңышлар телибез!