Циндао аграр университеты белән меморандумга кул куелды

Казан ДАУ ректоры Илшат Нуриевның Кытайга визиты кысаларында Циндао аграр университеты (Qingdao Agricultural University, Asian QS рейтингы = 951-1000) белән очрашу булды.

Очрашу Циндао аграр университеты ректоры Чжао Цзиньшань (ZHAO Jinshan, Professor/President) һәм проректоры Ван Юнцзянь (Wang Yongjian, Vice-principal) белән узды. Фикер алышуда шулай ук цифрлаштыру һәм ясалма интеллект проректоры Ленар Сафиуллин, халыкара бүлек вәкилләре һәм VIP-кунаклар катнашты.
Яклар 3+1 һәм 1+1 (магистратура) уртак программалары, уртак лабораторияләр булдыру, академик алмашу һәм фәнни хезмәттәшлек турында фикер алыштылар. Очрашу нәтиҗәсендә үзара аңлашу турында меморандумга (MoU) кул куелды.

Меморандумда:

• укытучылар, хезмәткәрләр һәм студентлар белән алмашу;
• укыту һәм уртак тикшеренүләр;
• академик материаллар һәм мәгълүмат алмашу.

Планнарда-Кытай делегациясенең 2026 елның 23-24 ноябрендә Казанга килешүгә кул кую өчен җавап визиты.