Чыгарылыш укучылары — безнең горурлыгыбыз!

Татарстан Республикасы Рәисе Рөстәм Нургали улы Миңнехановны туган көне белән котлыйбыз! 1978 елда Казан авыл хуҗалыгы институтының авыл хуҗалыгын механикалаштыру факультетын тәмамлаган. Р. Н. Миңнеханов истәлекләреннән:

“Институт Институт миңа һөнәр генә бирмәде. Ул мине иң мөһиме — мөстәкыйль фикер йөртергә һәм уйланылган карарлар кабул итәргә өйрәтте. Миңа лекцияләрдә тыныч кына утыру, намус белән конспектлар алып бару, дәреслекләрне өйрәнү авыр булды. Ләкин теориядә яшәүгә сәләтле идеяне тоту бик җиңел килеп чыкты. Имтиханнарда һәм зачетларда кыюлык һәм тапкырлык ярдәмгә килде. Хәтерлим, «Тракторлар һәм автомобильләр» курсы буенча имтихан тапшырганда, профессор Алмаз Кыям улы Юлдашев, кем сорауга әзерлексез җавап бирсә, шунда ук зачетка бирергә мөмкин дигән шарт белән сорау бирде. Мин икеләнмичә беренче булып үз теләгемне белдердем һәм «бик яхшы» билгесе алдым. Студент елларында ук мин гамәли белемнәрне үзләштерергә генә түгел, ә җитди инновацияләрдән дә курыкмаска кирәклеген аңладым. Институт укытучыларын хөрмәт белән искә алам. Укудан һәм иҗтимагый эшләрдән буш вакытымны мин спортка бирдем. Татарстан Республикасы Россия Федерациясенең актив үсә торган субъекты булып тора, анда күп тармаклар, шул исәптән агросәнәгать комплексы да киң үскән.Монда, һичшиксез, республиканың әйдәп баручы югары уку йортларының берсе булган Казан дәүләт аграр университеты һәм аның укытучыларының да өлеше зур. Нәкъ менә алар туган республикабыз хакына эшләгән һәм эшли торган белгечләр әзерли. Мин чын белем алырга теләгән студентларга хәрәкәтнең уртача тизлеген таләп итә торган гомуми агым инерциясен җиңеп, алга чыгуларын теләр идем. Бу омтылыш һәркемгә һөнәри яктан да, шәхес буларак та булырга мөмкинлек бирәчәк. Шулай ук бу безнең республиканы һәм тулаем илне лидерлыкка чыгарачак”.