Җиңү өчен рәхмәт! Бөек Ватан сугышы герое белән очрашу

Бөек Җиңүнең 80 еллыгы алдыннан Казан ДАУ ректоры вазыйфаларын вакытлыча башкаручы Илшат Нуриев сугыш ветераны, Казан ветеринария институтын тәмамлаган һәм аксакал укытучы Дмитрий Васильевич Макаров белән очрашты.

Быел Дмитрий Васильевичка 100 яшь тула! 1925 елның 7 ноябрендә ТАССРның Питрәч районында туып, ул 1943 елда фронтка китә һәм Ерак Көнчыгыш фронтында япон милитаристларына каршы сугыша, чын батырлык һәм ныклык күрсәтә.

Сугышчан казанышлары өчен ул II дәрәҗә Ватан сугышы ордены белән бүләкләнде — бу бүләк кенә түгел, бу безнең Җиңүне яулаучыларның батырлык символы.

Илшат Габделфәртович ветеранны якынлашып килүче Җиңү көне белән котлады, истәлекле бүләкләр тапшырды һәм ныклы сәламәтлек, күңел җылысы, озын гомер теләде.

Без хәтерлибез. Без горурланабыз. Без рәхмәт әйтәбез.
Сезнең батырлыгыгыз өчен рәхмәт, Дмитрий Васильевич! Сезнең батырлыгыгыз-барлык буыннар өчен үрнәк.