Һөнәргә бер адым: «Лесовичок» мәктәп урманчылыгы һәм Казан ДАУ

29 апрель көнне Чирмешән лицееның «Лесовичок» мәктәп урманчылыгы базасында һөнәри юнәлеш бирү буенча мөһим вакыйга булды. Очрашу Казан ДАУ ректоры вазыйфаларын вакытлыча башкаручы Илшат Нуриев һәм Чирмешән районы башлыгы Рамил Айбатов инициативасы белән узды.

Казан дәүләт аграр университетының урманчылык һәм урман культуралары кафедрасы профессоры Харис Мусин төп кунак һәм лектор булды. Ул балалар өчен урманнарны саклау һәм торгызу турында мавыктыргыч дәрес үткәрде. Ләкин теория шундук практикага күчте: профессор үзе белән үсентеләр алып килде, агачларны нинди шартларда үстерүләрен күрсәтте һәм дөрес үсентеләр ясау буенча мастер-класс үткәрде.

Профессор «Туган якның хайваннар дөньясы» мәктәп музеена аерым игътибар бирде, лицей экспозициясен югары бәяләде. Очрашу азагында Харис Гайнетдин улы укучыларга үз эшләрен табуларын теләде һәм аларны Казан ДАУ питомнигына экскурсиягә чакырды.

Ышанам ки, бу очрашу күпләр өчен Һөнәргә беренче адым булачак һәм урман дөньясында яңа ачышларга илһамландырачак!