Казан дәүләт аграр университетында Коррупцияне профилактикалау өлкәсендә күнекмәләр формалаштыруга юнәлдерелгән фәнни-гамәли семинар узды

2022 елның 29 ноябрендә Казан ДАУ икътисад институты бинасында Коррупцияне профилактикалау өлкәсендә күнекмәләр формалаштыруга юнәлдерелгән фәнни-гамәли семинар узды.

Семинар башында сәламләү сүзе белән икътисад институты директоры Марат Низаметдинов чыгыш ясады. Ул белем бирү процессында студент һәм укытучы белән барлыкка килергә мөмкин булган коррупциячел күренешләрне һәм мондый күренешләр белән очрашканда үзеңне ничек тотарга һәм кая мөрәҗәгать итәргә кирәклеген билгеләде.

Семинарны Студентлар лигасының Хокук мәсьәләләре вице-президенты Булат Насыйбуллин үткәрде. Ул Россия Федерациясенең һәм Татарстан Республикасының коррупциягә каршы законнары, шулай ук әлеге закон кысаларында студентларның хокуклары һәм бурычлары турында сөйләде.

«Коррупция – файда алу максатында законны бозу, һәм коррупция ике кеше катнашканда гына эшли», — дип билгеләп үтте ул.

Коррупциягә каршы тору-гражданлык җәмгыяте институтлары эше, шул исәптән югары уку йортының студентлар советы. Университетның һәр студенты үз вәкаләтләре кысаларында коррупция белән көрәшә ала һәм хәтта тиеш тә.

Семинарда шулай ук коррупциягә каршы эшчәнлекне әйдәп баручы белгеч Руслан Локманов һәм коррупциягә каршы республика яшьләр программасының «Бирмәскә – алмаска» җитәкчесе Элина Зөфәрова катнашты.