20 октябрьгә кадәр Каюм Насыйри исемендәге I Республика туган якны өйрәнү конкурсына заявкалар кабул ителә

Анда 16 яшьтән өлкәнрәк татарстанлылар катнаша ала.

Номинацияләр:

– «Туган авылы, шәһәр бистәләре һәм поселоклары тарихы»;

–  «Локаль мифлар һәм легендалар, көч урыннары»;

–  «Үткәннең артефактлары»;

– «Туган якны өйрәнү маршрутлары һәм юл күрсәткечләре».

Җиңүчегә  – 80 мең, көмеш призерга — 40 мең, өченче урынга ия булучыга 20 мең сум акча биреләчәк. «Тн-Наследие»коммерцияле булмаган автоном оешмасыннан махсус приз каралган.

Нәтиҗәләр декабрьдә ясалачак.

Оештыручылар – ТР Мәдәният министрлыгы, «Татмедиа» Республика матбугат һәм массакүләм коммуникацияләр агентлыгы, ТР мәдәният өлкәсендә инновацияләр кертү һәм традицияләрне саклау ресурс үзәге, ТР Милли музее.