29 майда Казан дәүләт аграр университетынsң «Н.Э. Бауман исемендәге Казан ветеринария медицинасы академиясе» институтында зоотехника белеменең 95 еллыгына багышланган «Зооветеринария фәненең заманча проблемалары һәм казанышлары» дигән әһәмиятле халыкара фәнни-гамәли конференциясе узды

Чараны Казан ДАУ ректоры вазыйфаларын вакытлыча башкаручы Илшат Нуриев ачып җибәрде, аннан соң Татарстан Республикасы Авыл хуҗалыгы һәм азык-төлек министрлыгының Терлекчелек тармакларын үстерү бүлеге башлыгы Сирень Нигъмәтҗанов чыгыш ясады.

Мәртәбәле кунаклар (алар арасында күренекле чыгарылыш укучылары һәм тармак белгечләре дә бар иде) укытучыларга һәм остазларга рәхмәтләрен җиткерделәр, укулары һәм һөнәри эшчәнлекләре турындагы истәлекләре белән уртаклаштылар.

Институт директоры урынбасары Рамил Фәйзрахманов зоотехника мәктәбен үстерү турындагы доклад белән чыгыш ясады, традицияләр дәвамчанлыгының һәм инновацион алымның мөһимлеген ассызыклады.

Аннары чараның хезмәткәрләре һәм лаеклы кунаклары «КДВМА алдындагы казанышлары өчен» медале һәм «КДВМАга 150 ел» истәлекле медале белән бүләкләнделәр.