6 декабрьдә « һөнәре буенча иң яхшы»республика конкурсында җиңүчеләрне һәм катнашучыларны бүләкләделәр

Монда республиканың булачак авыл хуҗалыгы лидерлары формалаша

6 декабрьдә АПКның яшь белгечләре арасында «Һөнәре буенча иң яхшы» республика конкурсында җиңүчеләрне һәм катнашучыларны бүләкләделәр! Быел Казан дәүләт аграр университеты базасындагы конкурс рекордлар куйды — 200гә якын гариза һәм берьюлы 9 номинация: инженер-механиклардан алып бухгалтер-икътисадчыларга кадәр.

Җиңүчеләр зур акчалата бүләкләр генә түгел, алдынгы предприятиеләрдә чит ил стажировкалары узу мөмкинлеге дә алдылар — һөнәрләрендә үсәргә теләүчеләр өчен бик яхшы старт.