Аграрчылар өчен грантлар: РАХБ «Фермер мәктәбенең” иң яхшы тәмамлаучылары Татарстанда ярдәм алды
Бүген Татарстанда «Фермер мәктәбе» белем бирү проектының икенче агымын тәмамлаучыларның өч иң яхшы чыгарылышы фермер грантын алу өчен сертификатлар белән билгеләп үтелде. Проект Татарстан Республикасы Авыл хуҗалыгы һәм азык-төлек министрлыгы һәм Казан дәүләт аграр университеты белән берлектә гамәлгә ашырыла. Мәктәптә 4 юнәлеш – «Терлекчелек», «Кошчылык», «Атчылык», Үсемлекчелек» буенча 40 тыңлаучы белем алды.
Эксперт комиссиясе карары нәтиҗәләре буенча «Фермер мәктәбен» тәмамлаучылар тарафыннан тәкъдим ителгән өч бизнес-проект иң яхшысы дип табылды. Грант алучыларның берсе –Рөстәм Гобәйдуллин –туган Әгерҗе районында 100 башка исәпләнгән сөт фермасы ачарга ниятли, грант алган Оксана Посадская Чүпрәле районындагы җирләрдә чикләвек үстерергә планлаштыра, ә Шамил Амагомедов ат үрчетүдә инвестиция проектының бизнес-планын уңышлы яклады.
Бүген грантларга сертификатларны Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов, Россельхозбанкның Татарстан төбәк филиалы директоры Ләлә Кудерметова һәм Казан дәүләт аграр университеты ректоры Айрат Вәлиев тапшырдылар.
Бүген грантларга сертификатларны Татарстан Республикасы Авыл хуҗалыгы һәм азык-төлек министры урынбасары Рафаэль Фәттахов, Россия авыл хуҗалыгы банкының Татарстан төбәк филиалы директоры Ләлә Кудерметова һәм Казан дәүләт аграр университеты ректоры Айрат Вәлиев тапшырдылар.
Ләлә Кудерметова билгеләп үткәнчә, “«Фермер мәктәбе» – авыл хуҗалыгы өчен һөнәри кадрларны теоретик һәм практик өйрәтү максатында республика авыл хуҗалыгы министрлыгы, профильле югары уку йорты, эре бизнес һәм фермерларның мөмкинлекләрен берләштерүче уникаль проект. Бүген, беркайчан булмаганча, авыл хуҗалыгы продукциясен җитештерүне арттыру мөһим. Республиканың һәм тулаем илнең азык-төлек иминлеген тәэмин итүгә үз эшләрен яратучы һәм актив фермерлар саллы өлеш кертә. Сезнең идеяләр һәм бизнес-проектлар импортны алыштыру максатларына ирешергә мөмкинлек бирәчәгенә ышанам”, – дип ассызыклады ул.
«Фермер мәктәбе» ярдәмендә авыл хуҗалыгы җитештерүчеләре үзләренең финанс грамоталылыгын арттырдылар, бизнес алып баруның юридик аспектларын өйрәнделәр, бухгалтерлык исәбен һәм хисаплылыгын алып бару үзенчәлекләре белән таныштылар, продукцияне сертификацияләүне ничек җитештерергә кирәклеген белделәр, шулай ук нәтиҗәле сату нигезләрен өйрәнделәр һәм аграрийларның эш тәҗрибәсе турында күбрәк белделәр. Моннан тыш, тыңлаучылар агробизнес алып бару өчен цифрлы инструментлардан, шул исәптән Россия авыл хуҗалыгы банкының маркетплейсыннан файдаланырга өйрәнделәр.
“«Фермер мәктәбе» ярдәме белән фикердәшләрем белән рәхәтләнеп аралаша алдым. Монда Мин иң мөһиме – авыл хуҗалыгы кебек икътисадның катлаулы секторында ярдәм итү һәм тәҗрибә уртаклашу таптым”, – дип тәэсирләре белән уртаклашты «Фермер мәктәбен» тәмамлаган Рөстәм Гобәйдуллин.
«Россия авыл хуҗалыгы банкы» АҖ – Россия агросәнәгать комплексына хезмәт күрсәтүнең милли кредит-финанс системасының нигезе. Банк 2000 елда төзелгән һәм бүген илнең агросәнәгать комплексының төп кредиторы булып тора, активлар һәм капитал күләме буенча илнең иң эре һәм тотрыклы банклары, шулай ук Россиянең иң эре банкларының ышанычлылык рейтингы лидерлары арасына керә.
