«Бухгалтер һөнәре – авыл хуҗалыгы производствосы белән нәтиҗәле идарә итүнең иң мөһим коралы» профессор Василий Петрович Петров истәлегенә багышланган X Халыкара фәнни-гамәли конференция

2022 елның 5 мартында профессор Василий Петрович Петров истәлегенә багышланган «Бухгалтер һөнәре – авыл хуҗалыгы производствосы белән нәтиҗәле идарә итүнең иң мөһим коралы» X Халыкара фәнни – гамәли конференциясе узды.

Конференция Казан дәүләт аграр университетына нигез салынуның 100 еллыгына багышланган, шулай ук Татарстан Республикасында 2022 елда үткәрелә торган, Цифрлаштыру елы дип игълан ителгән чараларның чиратын дәвам итә.

Профессор Василий Петрович Петровның Бухгалтер һөнәре – авыл хуҗалыгы производствосы белән нәтиҗәле идарә итүнең иң мөһим коралы» исеменә багышланган халыкара фәнни-гамәли конференция нәтиҗәле элемтәләр урнаштыру, үзебезнең һәм чит ил галимнәренең яңа эшләнмәләрен күрсәтү, бухгалтерлык исәбен, финансларын, анализын һәм аудитын үстерү өлкәсендә алдынгы тәҗрибәне күрсәтү өчен абруйлы халыкара мәйданчык статусында ныгыды.

Конференцияне Казан дәүләт аграр университетының бухгалтерлык исәбе һәм аудит кафедрасы оештыра.

Конференцияне оештыручылар: Казахстан Республикасы Мәгариф министрлыгы, Коркыт Ат исемендәге Кызылорда дәүләт университеты, Вагиненгин (Нидерланд) университеты, Варшава табигый фәннәр университеты, Калифорния халыкара консалтинг компаниясе, Янки Купала исемендәге Гродненск дәүләт университеты, Л.Н.Гумилев исемендәге Евразия милли университеты.

Конференциядә катнашучыларга сәламләү сүзе белән Россия Фәннәр академиясе профессоры, фәнни һәм халыкара эшчәнлек буенча беренче проректор – проректор Җиһаншин Булат Госман улы; икътисад институты директоры Низаметдинов Марат Мингали улы; бухгалтер исәбе һәм аудит кафедрасы мөдире Клычова Гүзәлия Салих кызы мөрәҗәгать иттеләр.    

Пленар утырышта катнаштылар:

1. Нурызбаев Асылбәк Жумабаевич – икътисад фәннәре кандидаты, ассоциацияләнгән профессор, Коркыт Ата исемендәге Кызылорда университеты, Кызылорда шәһәре, Казахстан Республикасы. Докладның темасы: «Хуҗалык итүнең икътисадый механизмы һәм авыл хуҗалыгы предприятиеләренең хисап сәясәтен гамәлгә ашыру нәтиҗәлелегенең нигезе буларак, бухгалтерлык исәбенең нәтиҗәлелеге»;
2. 2. Айдосова Бәхитҗамал Хангереевна – икътисад фәннәре кандидаты, «Финанслар, исәпкә алу һәм аудит» кафедрасы мөдире, Коркыт Ата исемендәге Кызылорда университеты, Кызылорда шәһәре, Казахстан Республикасы. Докладның темасы: «Казахстанның туристик дистанцияләрен үстерү буенча проектларны тормышка ашыру өчен инвестицияләр җәлеп итү»;
3.  Мөхәммәдҗанов Камил Зөлкарна улы – икътисад фәннәре кандидаты, «ТИСБИ «Идарә университеты» ЮГАРЫ БЕЛЕМ БИРҮ УЧРЕЖДЕНИЕСЕ доценты, Казан шәһәре. Докладның темасы: «Фәнни җитәкче, профессор В. П. Петров турында истәлекләр»;
4. Исхаков Альберт Таһир улы – икътисад фәннәре кандидаты, Казан дәүләт аграр университетының бухгалтерлык исәбе һәм аудит кафедрасы доценты, Казан шәһәре. Докладның темасы: «Татарстан Республикасы сөт терлекчелеге мисалында регионның азык-төлек иминлеген тәэмин итү өчен авыл хуҗалыгы оешмаларының хуҗалык эшчәнлеге нәтиҗәләрен фаразлауда фактор анализ».

2022 елның 16 мартында конференция эше секцияләрдэ дәвам итте. Чыгыш ясаучыларның докладлары, нигездә, бухгалтерлык исәбен, финансларын, санлы икътисад шартларында анализ һәм контрольне үстерүгә багышланган иде. Барлык катнашучыларга да конференциядә актив катнашкан өчен сертификатлар тапшырылды.