ДМУ студентлары «PEOPLE TALK-полумарафон»да катнаштылар

«Дәүләт һәм муниципаль идарә» юнәлеше буенча беренче һәм икенче курс студентлары «PEOPLE TALK-ярыммарафон»да булдылар. Ул «Мега» сәүдә үзәге мәйданчыгында узды.

Татарстан экспертлары, җәмәгатьчеләр һәм блогерлар ачык диалог форматында яшьләрне борчыган темалар буенча фикер алыштылар.

Ярыммарафонның һәр сәгате әһәмиятле иҗтимагый-сәяси темаларга багышланган иде:

– экология,

– урбанистика,

– эшмәкәрлек фикерләвен һәм финанс грамоталылыгын үстерү,

– мәгарифне үзгәртеп кору һәм милли мәдәниятне үстерү,

– гаилә кыйммәтләренә һәм өйдә көч куллануны профилактикалау.

Укытучы Сафиуллин Нияз Азат улы һәм Б391-04 төркеменең икенче курс студенты Опарина Виктория TED стилендәге ачык чыгышлар буенча тренер Айнур Зиннәтуллинның «Ораторлык сәнгате» мастер-классында үз көчләрен сынап карадылар.

Соңгы питчинг-сессия кысаларында активистлар ТР Яшьләр эшләре буенча министры Дамир Фәттаховка һәм Казан Башкарма комитетының балалар һәм яшьләр эшләре комитеты рәисе Айрат Фәизовка 6 проект тәкъдим иттеләр.