«Фермер мәктәбе» проекты тыңлаучылары үз бизнес-проектларын якладылар.

«Фермер мәктәбе» проекты тыңлаучылары үз бизнес-проектларын якладылар.Татарстан Республикасында «Фермер мәктәбе» белем бирү проекты ахырына якынлаша. Ике ай дәвамында тыңлаучылар рентабельле фермер хуҗалыгын алып бару, финанс грамоталылыгын арттыру һәм төгәл юнәлешләр буенча гамәли күнекмәләр алдылар, үз бизнес-проектларын эшләделәр һәм уңышлы якладылар. Диплом проектларын яклау Казан дәүләт аграр университетында йомгаклау аттестация комиссиясе утырышы кысаларында узды, аның составына Татарстан Республикасы Авыл хуҗалыгы һәм азык-төлек министрлыгының Икътисадый анализ һәм планлаштыру бүлеге башлыгы Мусин И. С., “Россельхозбанк” АҖ Татарстан филиалының микробизнесның клиентлар белән эшләү бүлеге башлыгы Хәбибуллин Л.Р., Казан дәүләт аграр университетының инфраструктура үсеше һәм җитештерү эшчәнлеге проректоры Хәмидуллин Н.Н., икътисад институты директоры Низаметдинов М. М., авыл хуҗалыгы җитештерүен оештыру кафедрасы мөдире Мөхәммәтгалиев Ф. Н., авыл хуҗалыгы җитештерүен оештыру кафедрасы доценты Авхадиев Ф. Н., авыл хуҗалыгы җитештерүен оештыру кафедрасының өлкән укытучысы Михайлова Л. В. керде. Аттестация комиссиясенә «Кошчылык», «Атчылык», «Үсемлекчелек», «Терлекчелек», «Терлекчелек» юнәлешләре буенча «Фермер хуҗалыгы агробизнесы» өстәмә һөнәри программасы буенча бизнес-проектлар тәкъдим ителде, комиссия әгъзалары бизнес-проектларның гомуми югары дәрәҗәсен билгеләделәр, бу исә «Фермер мәктәбе» проектын тәмамлаучыларга киләчәктә үз хуҗалыкларын уңышлы үстерергә мөмкинлек бирәчәк.Өч иң перспектив проект грант ярдәме алачак. Җиңүчеләр дипломнар тапшыру тантанасында игълан ителәчәк, ул декабрь ахырында булачак.