Идарә кафедрасы укытучысы диссертация алды яклавын уңышлы узды

18 мартта Казан милли тикшеренү технология университетының логистика һәм идарә кафедрасында Сафиуллин Нияз Азат улының «Дәүләт хезмәтләренең цифрлы трансформациясе белән идарә итү» дигән (икътисад фәннәре кандидаты 08.00.05 – икътисад, предприятиеләр, тармаклар, комплекслар белән идарә итү һәм оештыру: хезмәт күрсәтү өлкәсе) диссертациясе буенча фикер алышу булды. Фәнни җитәкчесе: э.ф. д., доцент Кудрявцева Светлана Сергеевна.

Университетта соискатель укытучылар эшчәнлегеннән тыш, актив фәнни эш белән шөгыльләнә. Яшь галимнәр Советы рәисе булып тора. Соңгы биш елда Нияз Азатович Web of Science, SCOPUS мәгълүматлар базасына кергән басмаларда 5 мәкалә, ВАК исемлегенә кергән басмаларда 15 мәкалә һәм РИНЦ исемлегенә кергән 100 дән артык мәкалә бастырып чыгарды. Диссертация тикшеренүе барышында соискатель иҗади фикерләү сәләте булган, фәнни максатка ирешүдә нык торган кеше буларак тасфирнланды. Ул хезмәт сөючән һәм инициативалы. Татарстан Республикасы дәүләт һәм муниципаль хезмәткәрләре арасында «Дәүләт һәм муниципаль идарәне цифрлы трансформацияләү» дип аталган квалификация күтәрү курсын үткәрде һәм диссертациясе өстендә эшләүгә актив рәвештә студентларны да җәлеп итте. Тикшеренү нәтиҗәләре «Электрон хөкүмәт» һәм «Хакимият органнарында җәмәгатьчелек белән элемтә» дисциплиналарының эш программаларын эшләгәндә файдаланылды.

Алдан яклау нәтиҗәләре буенча кафедра укытучылары һәм рецензентлар диссертация якларга теләүчене яклауга тәкъдим иттеләр.

Нияз Азатовичны икътисадый фәннәр кандидаты гыйльми дәрәҗәсенә ирешүнең мөһим этабы белән котлыйбыз.