Казанда РФ Авыл хуҗалыгы министрлыгы югары уку йортларының тәрбия эше өчен җаваплы проректорларының семинар-киңәшмәсе уза
14 майда Казан ДАУ базасында Россия Федерациясе Авыл хуҗалыгы министрлыгы югары уку йортларының тәрбия эше өчен җаваплы проректорларының һәм проректорларының «Аграр вузда тәрбия эшенең комплекслы моделен формалаштыру» темасына семинар-киңәшмәсе үз эшен башлады. Оештыручылар – РФ Авыл хуҗалыгы министрлыгының мәгариф, фәнни-технологик сәясәт һәм балык хуҗалыгы комплексы департаменты, «Агро мәгариф» Ассоциациясе, Казан ДАУ һәм КДВМА.
Чарада РФ хуҗалыгы министрлыгы югары уку йортларының тәрбия эшләре буенча проректорлар, үзәкләр җитәкчеләре, идарә һәм тәрбия эшләре буенча бүлек башлыклары катнашты.
Киңәшмәне «Агро мәгариф» Ассоциациясе каршындагы аграр югары уку йортларында тәрбия эшчәнлеген координацияләү Советы секретаре Николай Иванов ачты. Үзенең чыгышында ул 13 майда ачылган «Казан-2021» РФ Авыл хуҗалыгы министрлыгы югары уку йортлары арасында VIII ачык студентлар иҗаты фестивален оештыру һәм уздыру өчен яхшы шартлар тудырылуын билгеләп үтте.
РФ Авыл хуҗалыгы министрлыгының мәгариф бүлегенең әйдәүче киңәшчесе Ирина Сутугина үз чыгышында РФ Авыл хуҗалыгы министрлыгының мәгариф, фәнни-технологик сәясәт һәм балык хуҗалыгы комплексы департаменты директоры Нина Иванова исеменнән сәламләү сүзен җиткерде. Семинарда катнашучыларны шулай ук «Агрообразование» Ассоциациясенең генераль директоры Виктор Бердышев, Казан ДАУ ректоры Айрат Вәлиев һәм КДВМА ректоры Рөстәм Равилов сәламләде. Аннары вузда тәрбия эшенең актуаль проблемалары буенча актив фикер алышу булды. Төп темалар:
- тәрбиянең эш программасын һәм тәрбия эшенең календарь планын әзерләү;
- тәрбия программасын эшләү һәм тормышка ашыру, ресурс белән тәэмин итү буенча методик тәкъдимнәр;
- тәрбия эше буенча югары уку йортлары хезмәткәрләренең квалификациясен күтәрү.
Иртәгә «Мәгариф турындагы законнар нигезендә югары уку йортларында укучыларны тәрбияләүне оештыруга карата таләпләр» темасына түгәрәк өстәл дәвам итәчәк.