ТР Авыл хуҗалыгы һәм азык-төлек министрыгы коллегиясенең киңәйтелгән утырышы

24-25 февральдә «Казан Экспо» Халыкара күргәзмә үзәге территориясендә «ТатАгроЭкспо»АГРОСӘНӘГАТЬ комплексы казанышларының IV махсуслаштырылган күргәзмәсе узды. Күргәзмәдә Россия Федерациясе Авыл хуҗалыгы министрының беренче урынбасары Оксана Лут, Татарстан Республикасы Президенты Рөстәм Миңнеханов, Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җаббаров булды.

Чараның төп идеясе – тере аралашу, тәҗрибә уртаклашу һәм предприятиеләр казанышларын күрсәтү өчен Россиянең барлык агросәнәгать комплексы вәкилләрен берләштерүдән гыйбарәт.

Эшлекле программаның төп вакыйгасы Татарстан Республикасы Авыл хуҗалыгы һәм азык-төлек министрлыгы коллегиясенең киңәйтелгән утырышы булды, анда министрлыклар һәм ведомстволар җитәкчеләре, районнар башлыклары, шулай ук Татарстан Республикасы агрохолдинглары җитәкчеләре катнашты.

Казан ДАУ җитәкчелеге һәм профессор-укытучылар составы коллегия утырышында катнашты, аның кысаларында агросәнәгать белгечләре тармакның бүгенге көндәге актуаль мәсьәләләре турында фикер алыштылар.

Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров «2021 елда агросәнәгать комплексы эше йомгаклары һәм 2022 елга бурычлар турында»доклад белән чыгыш ясады. Төп нәтиҗәләр:

1.2021 елда Татарстан Республикасы авыл хуҗалыгының барлык категорияләре буенча тулаем продукция бәясе 237,2 млрд. сум тәшкил итте, җитештерү индексы — 80,1%. Без сөт җитештерү буенча Россия Федерациясе төбәкләре арасында беренче урынны саклап калдык, бәрәңге җитештерү буенча регионнар арасында — 2 урында, терлек һәм кош ите җитештерү буенча-6 урында.

2. Гомуми акчалата керем 138,0 млрд. сум тәшкил итте. Табышлы авыл хуҗалыгы оешмалары өлеше 93% дәрәҗәсендә сакланган, салымнар һәм җыемнар буенча бурыч 103 млн.сумга кимегән. Авыл хуҗалыгында уртача хезмәт хакы 24% ка арткан.

3.«Авыл территорияләрен комплекслы үстерү» федераль программасы кысаларында гражданнарның торак шартларын яхшырту өчен 39 гаилә өчен 2,5 мең кв.метр торак төзелгән, «Авыл ипотекасы» программасы буенча 1,6 мең кредит бирелгән, 33 муниципаль районда 445 объект төзекләндерелгән.

4.Авыл хуҗалыгы предприятиеләренең инвестиция активлыгы нигезендә узган ел 237 млрд. сумлык продукция төяп озатылган. Азык-төлек продукциясе җитештерү индексы 111,6% тәшкил итте. Республика фермерлары традицион авыл хуҗалыгы ярминкәләрендә 1,9 млрд. сумлык продукция саттылар.

5.Республика продукциясен экспортлау 271,6 млн. доллар тәшкил итте-планның 108,6% ы.

6.Цифрлы трансформация кысаларында берничә эре проект гамәлгә ашырылды. «Минем субсидияләр» (онлайн дәүләт ярдәменең 5 чарасы) сервисын эшләтеп җибәрделәр, система аша 41 меңнән артык кеше 300 млн сумнан артык субсидия алды. «Агрополия»бердәм системасы астында авыл хуҗалыгын цифрлаштыру буенча 19 проектны билгеләделәр һәм расладылар.

Күргәзмә программасына шулай ук авыл хуҗалыгының төрле тармаклары буенча тематик түгәрәк өстәлләр, игенчелек, терлекчелек, үсемлекчелек һ. б. актуаль мәсьәләләр буенча семинарлар һәм мастер-класслар кертелгән